ମହାନଦୀ ବିବାଦର ସମାଧାନ ପାଇଁ ବଡ଼ ବୈଠକ, ଶାହଙ୍କ ଅଧ୍ୟକ୍ଷତାରେ ମାଝୀ-ସାଏ ଆଲୋଚନା

ମହାନଦୀ ଜଳ ବିବାଦର ସମାଧାନ ପାଇଁ ଦିଲ୍ଲୀରେ ବସିଲା ବଡ଼ ବୈଠକ। କର୍ତ୍ତବ୍ୟ ଭବନରେ ଓଡ଼ିଶା ଓ ଛତିଶଗଡ଼ ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହ। ବୈଠକରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଓ ବିଷ୍ଣୁଦେଓ ସାଏଙ୍କ ସହ କେନ୍ଦ୍ର ଜଳଶକ୍ତି ମନ୍ତ୍ରୀ ଏବଂ ବରିଷ୍ଠ ଅଧିକାରୀମାନେ ମଧ୍ୟ ଉପସ୍ଥିତ ଥିଲେ।

ଦୀର୍ଘଦିନ ଧରି ଲାଗିରହିଥିବା ଜଳ ବଣ୍ଟନ ବିବାଦର ସମାଧାନ ପାଇଁ ଆପୋସ ବୁଝାମଣା, ବୈଷୟିକ ଆଲୋଚନା ଓ ସହମତିର ରାସ୍ତା ଉପରେ ଗୁରୁତ୍ୱ ଦିଆଯାଇଛି। ଜୁଲାଇରେ ମଧ୍ୟ ଉଭୟ ରାଜ୍ୟର ମୁଖ୍ୟମନ୍ତ୍ରୀ ଜଳଶକ୍ତି ମନ୍ତ୍ରୀଙ୍କ ଅଧ୍ୟକ୍ଷତାରେ ଆଲୋଚନା କରିଥିଲେ।

ଏବେ ଅମିତ ଶାହଙ୍କ ଅଧ୍ୟକ୍ଷତାରେ ହୋଇଥିବା ଏହି ବୈଠକରେ ମହାନଦୀ ଜଳ ବିବାଦର ଦୀର୍ଘସ୍ଥାୟୀ ସମାଧାନ ପାଇଁ ଆଲୋଚନା ଆଗକୁ ବଢ଼ିଛି।